ජල රළ මැද රන් පැළඳු "කෞශාල්"
ජලය ජීවිතයේ අඛණ්ඩ පැවැත්මට කෙතරම් වැදගත් ද? එහෙත් ජලය ජිවිත පැවැත්මට එහා මානයක හිඳිමින් කෙනෙකුට ආත්මාභිමානයට තුඩු දෙන ආභරණයක් වුවා යැයි කිවහොත් ඇතැම් විට එය විහිළුවක් විය හැකියි. නමුත් ජලය සමඟ ගනුදෙනු කොට පිහිනීමෙන් ලද ස්වකීය ආත්ම අභිමානයෙන් නොනැවතී ශ්‍රී ජයවර්ධනපුර සරසවි මාතාවගේ ගෙලද රනින් සරසවමින් පසුදින නිමාවට පත්වු අන්තර් විශ්ව විද්‍යාලීය පිහිනුම් තරඟාවලියේදී නව තරඟ වාර්තා 4ක් පිහිටුවන්නට සමත් වු හෙට දින ලකඹර රනින් සරසවන බවට සුභ නිමිති ගෙනන විද්‍යර්ථියෙකු සමඟ කතා බහකට "ජ'පුර තරු" ඔස්සේ අපට හැකි වුණා.
- නම කිව්වොත් :- කෞශාල් ප්‍රදීප් මානවඩු (කව්වා)
- ගම :- කොට්ටාව
- පාසැල:- ශාන්ත ජෝශප් විද්‍යාලය, මරදාන
- පවුලේ විස්තර ගැන කිව්වොත්:- තාත්තා රුවන් මානවඩු. ඔහු ජාතික පිහිනුම් කණ්ඩායමේ හිටපු පුහුණුකරු ලෙස කටයුතු කලා. එතකොට අම්මා, නිර්මලා මානවඩු. ඇය ගෘහණියක්. නංගි තවම පාසල් අධ්‍යාපනය ලබනවා.
- පිහිනුම් ක්‍රීඩාවට සම්බන්ධ වුණේ:- ඒකට හේතුව මගේ තාත්තයි. පොඩි කාලේ ඉඳලාම පීනන්න අවස්ථාව ලැබුණේ තාත්තා පුහුණුකරුවකු වූ නිසයි. අම්මත් ගොඩාක් උදව් කළා. එහෙම පීනලා මුලින්ම පාසලේදි දෙක වසරෙදි පාසල් පිහිනුම් කණ්ඩායමට ඇතුළු උණා.. එදා ඉඳන් එන ගමන මේ.......
- වඩාත් කැමතිම පිහිනුම් ආර:- සමනළ ආර
- පාසැල් කාලය, ජයග්‍රහණ ගැන කතා කලොත්:- අධ්‍යාපන කටයුතුත් කලා.. ඒත් හිත තිබුණෙම පීනන්න තමා. 2002දි 10න් පහළ සමස්ත ලංකා සමනළ ආර ශූරයා වුණා. එතැන් ඉඳන් දිගටම සමස්ත ලංකා තරඟ ජයග්රහණය කලා. කාලයක් මගේ දක්ෂතා අඩු වුණා. ඒත් මම දිගටම පුහුණු වීම් කලා. ආයෙමත් 2011 දි සුපුරුදු දක්ෂතා අතරට එන්න පුළුවන් උණා. 2012දි ශ්‍රී ලංකා පාසල් පිහිනුම් කණ්ඩායමේ නායකත්වයත් දැරුවා. ඒ වගේම සැතපුම් 2, 6 තරඟත් ජයග්රහණය කලා.
- විදේශ සංචාර එහෙම :- 2007 දි දකුණු ආසියානු ක්‍රීඩා උළෙල ජුනි සඳහා පකිස්තානයට ගියා. ගිය අවුරුද්දේ ලෝක විශ්ව විද්‍යාල ක්‍රීඩා උළෙලට රුසියාවට ගියා.
- එතකොට විශ්ව විද්‍යාල ජීවිතේ:-ව්‍යවහාරික විද්‍යා පීඨයේ ක්‍රීඩා විද්‍යා හා කළමනාකරණ පාඨමාලාව හදරන්නේ. විශ්ව විද්‍යාල ජීවිතේ හොඳයි. හොඳ යාළුවො සෙට් එකක් හම්බුණා. ක්‍රීඩාවට කොහොමත් සම්බන්ධ නිසා ගොඩක් පහසුයි. ඉගෙන ගන්න දේවල් වල තාක්ෂණික යෙදීම් ප්‍රායෝගිකව භාවිතා කරන්න පුළුවන්. විශේෂයෙන් මගේ දක්ෂතා වර්ධනය කර ගන්න.
- මේ වෙද්දි වාර්තා රැසකට උරුම කම් කියනව නෙහ්.. ඒවා මතක් කලොත්:-
- 50 සමනළ ආර - 26.55s
- 100 සමනළ ආර - 1.01.18s
- 50 ළය ආර - 33.44s
- 4x100 මිශ්‍ර ආර සහය - 4.46.27s
- 50 සමනළ ආර - 27.50s
- 100 සමනළ ආර - 1.03.27s
- 100 පසුපස ආර - 1.09.30s
- 4x100 මිශ්‍ර ආර සහය - 5.04.70s
- පීනන්න විතරමද පුළුවන් කියලා ඇහුවොත්:- ම්ම්ම්ම්ම් නෑ... දුර දුවන්නත් පුළුවන්. තව බාස්කට් බෝල් සෙල්ලම් කරනවා. පීනන්න තමා වැඩියෙන්ම ආස.
- කැමතිම ක්‍රීඩකයා:- අශේන් ප්‍රනන්දු අයියා. ඉස්සර ඉස්කෝලෙ යන කාලේ ඉඳන්ම කැමතිම ක්‍රීඩකයා උණේ එයා. අදටත් එහෙම්මමයි.
- සහයෝගය දෙන අය:- තාත්තා තමා නිරතම පිටි පස්සෙන් ඉන්නේ.. අම්මා, නංගි ලොකු සහයක් දෙනවා. කැම්පස් එකේ පුහුණුකරු කිත්සිරි සර්, අශේන් අයිය, පුන්හස අයියා ඇතුළු කණ්ඩායමේ හැමෝම.. මාත් එක්ක අධ්‍යාපන කටයුතු හදාරන මගේ යාළුවෝ සෙට් එක ලොකු සහයක් දෙනවා.. ඒ හැම දේටම ගොඩාක් ස්තුතියි.
- සහය දෙන්න විශේෂ කෙනෙක්:- තාම නම් නෑ. ඉස්සරහට බලමු. (ලඟ හිටපු යාළුවෝ කතා ගොඩක් කිව්වා.. ඒවා ගැන අපි විමසිල්ලෙන් )
- අනාගත බලාපොරොත්තුව :- swimming and Condition පුහුණුකරුවෙක් වෙන්න.
- ආයේ මුණ ගැහෙනකම් දෙයක් කිව්වොත්:- කැපවීමයි උනන්දුවයි තියනවානම් අභියෝග ජයගන්න පුළුවන්. හදිසි වෙන්න එපා. මේක ලේසි ස්පොර්ට් එකක් නෙමේ. අපේ රටේ මිනිස්සුන්ගේ බොඩි ෆ්‍රේම් එක නිසා ගොඩක් කල් යනව වර්ල්ඩ් ලෙවෙල් එකේ මොනව හරි කරන්න. ඒක නිසා ගොඩක් කල් පුහුණුවීම් කරන්න වෙනවා.
"පීනන්න ඉගෙන ගන්න මගෙන් උදව්වක් ඕනෙ නම් ඕනම උදව්වක් ඉල්ලන්න.. "
එළඹෙන හෙට දවසේ ශ්‍රී ලංකා සිරසෙහි රන් කිරුළු පළඳවන්නට ඔහුගේ දස්කම් දිනෙන් දින දියුණු වේවා යන පැතුමෙන් අපි සමුගත්තෙමු.
ලිව්වේ:- මුදිත සුදාරක
ඡායාරූප සහය :- චානුක පෙරේරා සහ දර්ශන අධිකාරී
