මගේ පැතුම.
නිසංසල ගං ඉවුර මත ගෙවුණු සැදෑවක,
ඔබ ඇවිත් මට කීවා ,
යන බවට කොළොම්තොට ,
නෙතඟ කදුලැලි තියන් පැතුවේ මම,
බුදුසරණ.
මාසයකුත් දවස් එකක් ගතවුණු විටක,
නුබ ආවා ගම්රටට ,
කලිසමක් ඇඳ හිරට.
එයින් පසු වසරකුත් දෙදවසක් ගිය විටෙක,
නුබ ආවා ගම්රටට ,
තවත් කලිසමක් එක්ක.
එයින් තව වසර තුනකුත් තෙදවසක් ගිය දිනක,
නුබ ආවා ගම්රටට ,
පුංචිම පුංචි නිල් පාට කලිසමක් එක්ක.
ඒත් ප්‍රිය සොඳුරියේ ,
මම තාම ගං ඉවුර මත ඉඳන් ඉන්නවා,
දකින්නට ඔබේ රුව,
නැතුව හිර කලිසමක්,
ඇතුව රතු මල් ගවුම..............
W.A.චාමර ප්‍රසන්න .
තෙවන වසර.
කළමනාකරණ අධ්‍යයන හා වාණිජ විද්‍යා පීඨය.
