හදට ඉඩදීම...
නුඹ ඇතත් දකින හැම වර
සිනහසීලා
දුකක් ඇති බැව් දනිමි
සිරවීලා
හේතුවත් අහේතුවත් අතර හද
නැවතීලා
නුඹේ බුද්ධිය ඇත හදට
පිටුපාලා
තෙරපුනත් දෙහදෙ තතු තොග
ගණන් මිරිකීලා
හමු වුවත් නෙතු නුඹේ මුව
ඇත නිහඬවීලා
හද දනිත් අවැසි බැව් යනනට
සිතින් මිදිලා
නුඹේ බුද්ධිය ඇත හදට වැට
කඩොළු බැඳලා
මුදා නොහරින හැඟුම් පෙළ
යළියළිත් තෙරපීලා
පෙළන හද ඇත තවතවත්
වෙහෙස වඩවාලා
දන්නා නමුදු මා මෙන් නුඹත් එය
හද පාරවලා
සතුට ඇත රැදුණ මොහතක
හදට ඉඩදීලා
මාණි.....
