මට හිමි වරම
හද වෙත සොඳුරු හැඟුමන් පොදි රැගෙන එන
එලෙසම මගෙම හද නුඹ වෙත රැගෙන යන
පෙරදින දිනක ඔය වතමල දුටුව දින
හදවත නැවත නාවේ කිම කියනු මැන
කසගස් යාය එනතුරු සිය දෙනෙත හෙලා
පෙරමග සිටී වත දකිනට නුඹව බලා
එන්නට නුඹගෙ මුදු අත ගෙන පාද සලා
දෙනු මැන වරම හදවත දැන් නුඹගෙ වෙලා
දෑතින් දෑත පටලා පෙරමග යන් ට
නුඹෙ හද මතම මගෙ හදවත සත පන් ට
සයුරට වෙරල සේ නුඹ සිත ලග ඉන් ට
මට හිමි වරම මගෙ හදමල වෙත දෙන් ට
මගෙ හද මඩල මගෙ වත හැර ගිය දාම
තවමත් සිසිලසයි හද නැති ලය තාම
පෙරුමන් පුරා ලැබගන්නට හැම දාම
මට හිමි වරම නුඹ ලගමද? එහි තාම
හසිත කළුආරච්චි
පළමු වසර
ව්‍යවහාරික විද්‍යා පීඨය
